Alymlaryň geçiren barlaglary gündizki ukynyň 35-den 75 ýaş aralygyndaky adamlarda ýürek tutma keseliniň güýçlenmek ähtimallygyny peseltmäge mümkinçilik berýändigini subut etdi. Dynç alşyň dowamlylygynyň uly bir ähmiýeti ýok, hatda gysga wagtlaýyn rahatlyk hem ýürek-damar ulgamy üçin ýüze çykýan howplary peseltmäge mümkinçilik berýär.
Şweýsariýanyň barlagçylarynyň eksperimenti bäş ýyllap dowam etdiler. Şol wagtyň içinde alymlar 3 müň meýletinçä gözegçilik etdiler. Olaryň bir bölegi diňe agşam däl-de, gündiz hem ýatmagy endik edinipdiler. Işiň barşynda ekspertler gündizki ukynyň ýygylygy bilen dowamlylygynyň arasyndaky baglanyşyga üns berdiler.
Netijede, ýürek tutmanyň ýüze çykmak howpunyň gündizine yzygider ýatýan adamlarda ýokarlanýandygyny anyklamak başartdy. Eksperimentiň hepdäniň dowamynda gündizine 6-7 gezekden ýatýan gatnaşyjylary diňe agşam ýatýan bilen deňeşdirilende ýürek tutma howpunyň ýokary derejesine eýe bolýarlar. Gündizki ukyny hepdede iki gezek gurnaýan gatnaşyjylarda bolsa ýürek tutma howpy peselýär.
Umuman, gündiz ukynyň adamyň ýürek-damar sistemasynyň işleýşine oňaýly täsir edýändigi subut edildi. Ýürek tutmanyň güýçlenmek ähtimallygy 48% pese düşýär, şonuň bilen birlikde dynç alşyň dowamlylygy netijä täsir etmeýär, bu barada “Звезда” salgylanmak bilen economics.ru habar berdi.
Gündizki uky ýürek agyry ähtimallygyny tas iki esse pese düşürýär
- 18.02.2020 21:39
- 15k+
