Hyundai täze Prophecy elektrokarynyň tizerini görkezdi

Täze Hyundai Prophecy elektromobiliniň resmi premýerasy ýene-de birnäçe günden Ženewa awtosalonynda geçiriler. Onuň öňüsyrasynda markanyň press-hyzmaty konsept barada gysgaça syny neşir etdi we modeliň tizerini görkezdi. Bu barada 32cars.ru habar berýär.
Press-relizde Hyundai Prophecy elektromobiliniň dizaýnyň täze “dilini” görkezjekdigi we brendiň filosofiýasyny täze derejä çykarjakdygy habar berilýär.
“Biziň konseptimiz tendensiýalary yzarlanok, ol baky gymmatlyklaryň şöhlelenmesi hasaplanylýar” – diýip, Hyundai-yň dizaýn-merkeziniň ýolbaşçysy Sang Li Li aýdýar. “Prophecy” iňlis dilinden terjime edilende “öňden görüjilik” diýmekligi aňladýar. Kompaniýada munuň ýöne ýerden şeýle däldigi, ýagny konseptiň markanyň täze modelleriniň, hususan-da, elektrokarlaryň dizaýnyny kesgitleýändigi bellenilýär.
Onuň tizer suratyndan elektrokaryň giň tegelek yzky ganata hem-de birnäçe wertikal yzky yşyklara eýe boljakdygyny bilmek bolýar. Mundan başga-da, model ýük goýulýan ýeriň kese stop-signally beýik we tegelek gapagyna eýe.
Kompaniýanyň bu konsept-karyň seriýaly önümçiligine haçan başlajakdygy heniz habar berlenok. Ýöne bir zada üns bermeli, marka ýaňy-ýakynda Canoo startapy bilen birlikde birleşigiň geljekki elektromobillerinde ulanyljak doly elektrik platformany işläp taýýarlamak baradaky niýetini tassyklady.