Volkswagen AG birleşiginiň düzümine girýän Skoda çeh awtoöndürijisi özüniň ilkinji seriýaly elektrokrossoweriniň adyny mälim etdi, onuň ady ENYAQ. Bu täze adyň binýadynda “barlyk” ýa-da “ruh” manyny berýän “Eithne” sözüniň esasynda emele gelmek bilen, “durmuşyň gözbaşy” diýmekligi aňladýan “Enya” irland ady durýar. Bu barada Skoda salgylanmak bilen itc.ua habar berýär.
Beýleki SUV brendleri bilen meňzeşligini deňeşdirsek (KODIAQ, KAROQ, KAMIQ), ENYAQ modeliniň ady “Q” bilen gutarýar, onuň başynda bolsa “E” (electromobility) simwoly ýerleşdirilen. Belläp geçsek, ENYAQ brendiň ilkinji seriýaly elektrokrossoweri bolar, kompaniýanyň ilkinji seriýaly elektromobili Skoda Citigo-e iV siti-kary boldy.
Skoda ENYAQ elektrokrossoweri birleşigiň täze brend modelleri üçin ulanylmasy dowam etdiriljek Volkswagen MEB modul platformasynda esaslandyrylar.
Bu geçen ýyl Ženewa awtosalonynda görkezilen Skoda Vision iV konseptiniň seriýaly wersiýasy bolar. Konseptiň we onuň seriýaly wersiýasynyň esasy häsiýetleri meňzeşräk, ýagny, täze elektrokrossower 225 kWt kuwwatlykly hereketlendirijä, 83 kWt/sag batareýa we WLTP sikli boýunça 500 km ätiýaçlyk ýola eýe bolar.
Çeh kompaniýasy Skoda ENYAQ elektrokrossowerleriniň satuwyna 2021-nji ýylda başlajakdygyny aýdýar, 2025-nji ýyla çenli bolsa özüniň satuw gurluşynda elektromobilleriň paýyny 25%-e çenli getirmegi göz öňünde tutýar. 2021-nji ýyldan awtoöndüriji elektrik modelleriň işlenip taýýarlanmagyna 2 mlrd ýewro maýa goýar, netijede ýakyn ýyllarda Skoda-nyň 10-dan gowrak elektromobili bazara çykarylar.
Skodanyň ilkinji elektrokrossoweri ENYAQ adyny aldy
- 15.02.2020 21:52
- 1.4k+