«Türkmenhowaýollary» Bangkoga we Kuala-Lumpura gatnawlary wagtlaýyn bes edýär

  • 12.02.2020 22:36
  • 7k+

«Türkmenhowaýollary» agentligi Bangkok we Kuala-Lumpur ugurlary boýunça howa gatnawlaryny 1-nji aprele çenli wagtlaýyn togtadýar. Bu barada ArzuwNEWS penşenbe güni agentligiň Twitter sahypasynda berlen maglumatyna salgylanyp habar berýär.
Agentligiň habar berşi ýaly, gatnawlar Günorta-Gündogar Aziýa ýurtlarynda koronawirus ýokanjynyň ýaýramagy sebäpli bes edildi.
Öň, «Türkmenhowaýollary» koronawirus ýokanjynyň ýaýramgynyň öňüni almak maksady bilen 1-nji fewraldan başlap, Aşgabat – Pekin – Aşgabat ugry boýunça gatnawlary wagtlaýyn bes edýändigini habar beripdi.
Agentligiň web sahypasynda berilýän maglumatlara görä, 9-njy fewraldan 28-nji mart aralygynda meýilleşdirilýän halkara howa gatnawlaryndan Pekin, Bangkok, Kuala-Lumpur ugurlary aýryldy.
Euronews agentliginiň habar bermegine görä, 12-nji fewraldaky maglumatlara görä, koronawirus zerarly ýaýran pnewmoniýadan 1100 adam aradan çykdy. Bu kesel bilen kesellänleriň sany 44 müň 600 adamdan geçdi.
Belläp geçsek, Merkezi Aziýa ýurtlarynda bu kesel hasaba alynmady.

07.06.2025 19:01
11k+

Kanadadaky tokaý ýangynlaryndan çykýan tüsse baryp kosmosdan hem görünýär

NASA-nyň Ýerden 1,5 million kilometr uzaklykdaky Lagranj L1 nokadynda ýerleşýän DSCOVR hemrasy Kanadadaky tokaý ýangynlaryndan çykan tüssäni surata aldy. Surat 2025-nji ýylyň 31-nji maýynda düşürildi. Kanadadaky tokaý ýangynlary birnäçe gün bäri dowam edýär...

07.06.2025 12:21
12k+

Türkmen alymlary Derweze gaz krateriniň alawlamasyny peseltmegi başardylar

Garagum sährasyndaky Derweze gaz krateriniň ýanmagynyň depgini üç esse azaldy. Bu barada «Türkmengaz» döwlet konserniniň Tebigy gaz ylmy-barlag institutynyň barlaghanasynyň müdiri Irina Lurýewa habar berdi. "Krateriň tertipsiz ýanmagynyň ýygjamlygy 2023-nji ýylyň awgust aýy bilen deňeşdirilende üç esseden gowrak azaldy...

05.06.2025 10:12
8.7k+

Ägirt uly aýsberg A23a Antarktidanyň kenarynda saýdan çykyp, ýene ýüzüp başlady

Ululygy boýunça Lýuksemburgyň çägi bilen deňleşýän A23a ägirt uly aýsbergi  Günorta ummanyň suwlarynda ýene-de hereket edip başlady. Bu barada Arktika we Antarktika ylmy-gözleg institutynyň metbugat gullugy habar berdi...

05.06.2025 10:05
8.8k+

Saharadan galyňlygy 4 km bolan ägirt uly tozan buludy Amerikanyň üstünden iner

Şu hepde Saharadan uly tozan buludy Atlantik ummanynyň üstünden geçip, Karib basseýnini örtdi we indi ABŞ-a tarap barýar. Tozan bulutlary her ýyl Sahara howa gatlagy diýlip atlandyrylýan atmosfera hadysasynyň netijesinde emele gelýär diýip, Science Alert habar berýär...