Günebakar çigidiniň esasy gowy tarapy — bu önümiň E witaminine baý bolmagydyr. Günebakaryň çigidiniň dogry möçberde kabul edilmegi saglyga oňaýly täsir edip bilýär we tiz garramadan goraýar.
«Çigit — peýdaly önüm. Men çigidi kabul etmegi maslahat berýärin, çünki olarda E witamininiň ägirt köp mukdary saklanýar. Ol biziň owadanlygymyz üçin gerek. Ol derini, saçy we dyrnaklary gowulandyrýar. Şeýle-de, çigitler süňk dokumalaryny berkitmek üçin hem peýdaly, çünki çigitde süňk üçin peýdaly bolan mis saklanýar» — diýip, berhiz lukmany düşündirýär.
Şol bir wagtda onuň aýtmagyna görä, günebakar çigidiniň örän kaloriýaly önümdigini hem ýatdan çykarmaly däl.
Gowrulmadyk çigidiň 100 gramynda 600 kaloriýa saklanýar, gowrulanda – 700 kaloriýa. Önümiň ýokary kaloriýalylygy we onda ýagyň ýokary düzüminiň barlygy sebäpli semiz adamlar çigidi seresaplylyk bilen hem-de az mukdarda kabul etmeli.
Pankreatit ýaly kesellerde çigidi kabul etmekden saklanmaly. Misiň ýokary düzüminiň bardygy sebäpli, çigit Wilson-Konowalowa keselli adamlara hem maslahat berilmeýär.
Berhiz lukmany çigidiň peýdasy barada aýtdy
- 09.02.2020 21:46
- 10k+
