Xiaomi Mi 10 dünýäde LPDDR5 ýatly ilkinji smartfon bolar

Micron Technology kompaniýasy dünýäde ilkinji LPDDR5 ýat modullarynyň köpçülikleýin çykarylmagyna başlanandygyny habar berdi. Şeýle-de, öndüriji şeýle operatiw ýada ilkinji bolup ýakynda anons edilmegine garaşylýan Xiaomi Mi 10 flagman smartfonunyň eýe bolandygyny mälim etdi. Öndürijiniň maglumatlaryna görä, Micron LPDDR5 modullary Xiaomi Mi 10 smartfonuna maglumatlary iberijilik tizligini 50% artdyrmaga, energiýa sarp edijiligini bolsa LPDDR4x ýady bilen deňeşdireniňde 20% peseltmäge mümkinçilik berer. Häzirki wagtda 6, 8 we 12 GB sygymly modullar ýola goýulýar.
Xiaominiň ýolbaşçysy Leý Szun we Redmi brendiniň ýolbaşçysy Lu Weýbing Micron kompaniýasynyň Xiaomi Mi 10 smartfonunyň dünýäde LPDDR5 ýatly ilkinji smartfon boljakdygy baradaky habaryny tassykladylar. Olar Micron LPDDR5 modullarynyň 5G smartfonlaryna maglumatlary iberijilik tizligini 6,4 Gbit/s-a çenli artdyrmaga mümkinçilik berjekdigini bellediler.
Öň, Xiaomi kompaniýasy Xiaomi Mi 10-uň bir kristally Qualcomm Snapdragon 865 flagman sistemasynyň binýadyndaky dünýäde ilkinji smartfon boljakdygyny hem wada beripdi. Xiaomi Mi 10 smartfonunyň anonsy Pekinde 10-njy fewralda geçirilmeli.
Belläp geçsek, LPDDR5 ýadynyň 2019-njy ýylyň tomsunda mikroshemalaryň pudagynda ilkinji 12 Gbit sygymly LPDDR5 ýadynyň seriýaly önümçiligine girişilendigini habar beren Samsung koreý kompaniýasynyň Galaxy S20 flagmanynda hem bolmagynda garaşylýar.