«Forsaž 9» treýleriniň tomaşasy we ABŞ-daky deslapky satuwy boýunça rekord goýýar

«Forsaž» franşizasynyň dokuzynjy filminiň premýerasyna üç aýdan gowrak wagt bar, muňa garamazdan, eýýäm, häzir bu uruşganly kino gyzyklanma diýseň ýokary. Anna güni peýda bolan ilkinji treýler Twitterde, Facebook-da we YouTube-da ortaça 439,3 mln gezek görüldi.
Ilkinji 72 sagadyň içinde oňa edilen tomaşa 262 mln-a ýetdi, bu bolsa «Мстители: Война бесконечности» kinomiksiniň meňzeş görkezijisinden hem ýokary geçýär. Ilkinji ýigrimi dört sagadyň içinde 151 mln tomaşa bolsa Universal Pictures studiýasynyň treýlerleri üçin täze rekord boldy. Treýlere bildirilýän reaksiýanyň aglaba bölegi bolsa pozitiw (jemgyýetçilik torlarynda 93% pozitiw we bitarap seslenme).
Jemgyýetçilik torlaryna gözegçilik işlerini alyp barýan RelishMix kompaniýasynyň maglumatlaryna görä, Superboulyň 30 sekuntlyk roligi we treýleriň doly özi Twitterde, Instagramda, Facebook-da we YouTube-da bir gije-gündiziň dowamynda 110,9 mln gezek görüldi. Bu beýleki ähli futbol oýunlarynyň treýlerleriniň jemi görkezijisinden hem ýokary. Olaryň yzyndan şeýle maglumatlar getirilýär: 18,7 mln tomaşa - «Чёрная вдова», 12,4 mln - «Мулан», 10,1 mln «Не время умирать», 8,7 mln «Тихое место 2», 4,2 mln «Миньоны: Грювитация», 3,5 mln «Топ Ган: Маверик», 2,6 mln «Губка Боб в бегах» we 600 müň «Человек-невидимка».
Anna güni peýda bolan «Forsaž 9» tutuş dünýäde we ABŞ-da Twitterdäki meşhurlygy boýunça ikinji orna çykdy. Ilkinji treýleriň yzysüre ABŞ-da deslapky satuw başlandy. Onuň başlanmagyna filmde çykyş edenler Kardi Biniň, Ludakrisiň we Ozunyň gatnaşmagynda Maýamide geçirilen konsert goltgy berdi. Göni ýaýlymda giden konsertiň translýasiýasy üç günüň içinde 12 million gezek görüldi. Ilkinji dört günüň içinde Fandango portalynda sekizinji «Forsaža» garanyňda, petekler 50% köp satyldy.
Ýatladyp geçsek, boýewigiň premýerasy amerikan kinoprokatynda 22-nji maýa bellenilen.