Mercedes-Benz 2020-nji ýyla çenli 32 sany täze awto önümlerini çykarar

Nemes awtoöndürijisi öz model lineýkasyny göwrümleýin täzelemegiň üstünde işleýär. Täze awtoönümleriň arasynda ýokary tehnologiýaly elektrokarlar we gibridler hem bar.
Mercedes-Benz kompaniýasy 2022-nji ýyla çenli birbada 32 sany modeli çykarmagy wada berýär. Olaryň hatarynda häzirki C-Class, S-Class we SL modelleriniň yzyny dowam etdirijiler, şeýle-de, AMG-nyň täze modelleri bar. Soňkularyň arasyndan dört gapyly «zarýadlanan» GT kupeni aýratynlandyrmak bolýar, onuň işe ukyplylygyna gibrid jogap berýär, şeýle-de, ýaryş tregine gönükdirilen GT R Black Series aýratyn wersiýany hem belläp geçmek bolar.
Täze önümleriň sanawyna seriýaly One giperkary-da goşuldy. Aslynda, ol ir çykarylmalydy, ýöne möhlet 2021-nji ýyla süýşürildi. Şeýle awtony Formula-1-iň güýçli gurluşy bilen üpjün ederler. Bir gezek zarýadlandyrylan giperkar 25 kilometr töweregi geçip biler, onuň maksimal tizligi 350 km/sag ýeter. Smart subbrendi hem özüniň model lineýkasyny täzelemegi göz öňünde tutýar. 2020-nji ýylyň ortalarynda marka bazara täze Fortwo we Forfour elektrik awtoönümlerini çykarar. 2022-nji ýyla çenli täze awtoönümleriň möçberi artar, çünki Mercedes Geely hytaý kompaniýasy bilen işjeň hyzmatdaşlyk alyp barar. Täze EQ subbrendi hem birbada bäş sany elektrokary taýýarlaýar. Bu ozalky EQA we EQS konsept-karlarynyň täze serialy nusgasy, şeýle-de täze EQB, EQE, EQG modelleri bolar. Olar nemes awtoöndürijisine elektromobilleriň bazarynda öňdebaryjy orny eýelemäge kömek eder. Mundan başga-da, ýylyň ahyryna çenli Mercedes-Benz 20 sany gibridi hödürlär.