Nissan täze Nissan Qashqai krossowerini geljek güýzde hödürlär

Nissan kompaniýasy özüniň iki sany belli modelini täzelär we täze elektromobilini çykarar. Şu ýylda kompaniýa üçünji nesliň Qashqai we täze X-Trail modellerini hödürlär.
«Autocar» portalynyň berýän maglumatlaryna görä, X-Trail tomusda görkeziler. Awtomobiliň prototipi eýýäm ABŞ-da testden geçirildi.
Täze Qashqai krossoweri Ýewropa bazaryna niýetlenilen, sebäbi ol şol ýerde Nissanyň iň köp satylýan modeli hasaplanylýar. 2018-nji ýylda Ýewropada şeýle krossowerleriň 230 000 sanysy satyldy.
Qashqai krossowerini Frankfurtdaky awtosalonda sentýabr aýynda görkezerler. Krossower daşky görnüşi boýunça düýpli özgertmelere eýe bolar (has dogrusy, täze Juke krossoweriniň we geçen ýylyň martynda hödürlenilen IMq konseptiniň elementlerini ulanmak bilen). Onuň interýerinde hem birneme üýtgeşmeler bolar: şeýle üýtgeşmeler enjam paneliniň dizaýnyna we informasion-güýmenje ulgamyna degişli.
Qashqai krossowerini adaptirlenen CMF (Common Module Family) modul platformasynda çykararlar. Bu krossoweri benzin harçlaýjylygyny peseltmek üçin aram-gibrid gurluşy bilen sazlaşan pes kuwwatlykly benzin hereketlendirijisi bilen üpjün ederler.
2021-nji ýylda Nissan geçen ýyl Tokionyň awtosalonynda görkezilen Ariya konsepsiýasynyň esasynda dörediljek adaty ýoldan daşary niýetlenilen täze elektrik awtomobilini çykarmagy meýilleşdirýär. Internetde eýýäm bu awtomobiliň geçiş ýolunyň uzaklygynyň 480 kilometr, sagatda 96 kilometre çenli bat almanyň bolsa bäş sekuntdan az boljakdygy baradaky maglumatlar peýda boldy. Ariya awtonom dolandyrmanyň Nissan-ProPilot 2.0 iň öňdebaryjy tehnologiýasy bilen üpjün ediler.