Xiaomi kompaniýasy Hytaýyň dürli şäherlerinde ýerleşýän ownuk söwdaly dükanlarynyň ählisini ýapýandygy barada resmi taýdan habar berdi. Bu Hytaýda möwç alan we dünýäniň beýleki käbir ýurtlarynda hasaba alnan täze koronawirus epidemiýasy bilen bagly.
Üstümizdäki ýylyň ýanwar aýynyň 28-inden fewral aýynyň 3-üne çenli Xiaomi-niň Hytaýyň çäklerindäki ähli firma dükanlary ýapyk bolar. Deslapky maglumatlara görä, ýurtda ýagdaý beterleşen halatynda möhletler uzaldylar. Kompaniýa tarapyndan neşir edilen habarda günüň gününe has beterleşýän epidemiýanyň öňüni almak we oňa garşy göreşmek işlerine kömek etmegiň möhümdigi barada aýdylýar.
Kompaniýa dükanlaryň işini dikeltmek boýunça täze möhlet baradaky goşmaça bildirişleriň zerur bolan ýagdaýynda ýetiriljekdigini hem aýtdy. Xiaomi önümini satyn almak isleýänler kompaniýanyň resmi saýtynda ýa-da Xiaomi Mall programmasynda sargyt edip bilerler. Eltip bermäniň möhleti offlaýn-dükanlarynyň ýapykdygyna garamazdan, üýtgewsiz bolar.
Häzirki günde koronawirus bilen keselläleriň 2800-den gowrak ýagdaýy hasaba alnan, ol eýýäm Uhan şäherinde 80 adamyň ölümine getirdi.
Xiaomi täze wirus zerarly Hytaýdaky ähli dükanlaryny ýapýar
- 28.01.2020 22:18
- 7.2k+
