2020-nji ýylyň iň gowy 4 sany düwmeli telefony belli edildi

Alymlar 2020-nji ýyldaky düwmeli iň gowy 4 sany telefony belli etdiler. Şeýle modelleriň artykmaç taraplarynyň biri ýokary awtonomlyk hasaplanylýar, mundan başga-da, soft hem-de apparatyň urga durnuklylygy hem möhümdir.
Hünärmenler ilki bilen BlackBerry Key2 we onuň sada warianty Key2 LE modellerini aýratynlandyrdylar. Key2 doly derejeli Android-e we QWERTY-klawiaturalaryna eýe boldy. Düwmeli telefon Snapdragon 660 öndürijilikli prosessory bilen enjamlaşdyrylan. Gajet 6 GB operatiw ýada, hersi 12 Mp bolan iki bölekli kamera, FHD IPS-ekrana eýe boldy. Batareýiniň sygymy – 3500 mA/sag.
LE-wersiýasynyň korpusy plastikadan edilen. Operatiw ýadyň göwrümi 4GB. Telefon iki bölekli kamera (12 + 5 Mp) eýe boldy, akkumulýatoryň sygymy – 3 000 mA/sag. Key 2-den tapawutlylykda, bu model klawiatura boýunça hereketleri dolandyryş funksiýasyny götermeýär.
Dörtlügiň yzyny «eplenilýän» Nokia 2720 Flip dowam etdirýär. Model wagty we zerur informasiýany şöhlelendirýän goşmaça displeý bilen üpjün edilen. Gurluş 4G, Wi-Fi ulgamyna eýe. Onuň korpusy gyssagly hyzmaty çagyrmaga niýetlenilen düwme bilen enjamlaşdyrylan. Prosessor – Snapdragon 205, operatiw ýadyň göwrümi 4GB, hemişelik ýat – 512 MB, batareýiň sygymy – 1500 mA/sag. Şeýle-de 2 Mp-li kamera bar.
Üçünji iň gowy düwmeli telefon Nokia 800 Tough. Ol beýlekilerden özüniň korpusy bilen tapawutlanýar: gajet özboluşly kapsulyň içinde ýerleşýär. 800 Tough IP68 standarty boýunça tozandan we suwdan goragly. Doly zarýad berlenden soň bu telefony dört günläp ulanmak bolýar.
Sanawda Nokia 8110 4G üçin hem ýer tapyldy. Tehniki taýdan ol ýokarda sanalanlary gaýtalaýar. Ol mobil apparatynyň stilli dizaýn äheňinde ýerine ýetirilen.