Hytaýyň wirus zerarly has ejir çeken Uhan şäherinde koronawirusa garşy göreş ugrunda dürli smartfon kompaniýalary kömek üçin pul serişdelerini harç edýärler. Muňa Huawei, Oppo, Vivo, Nubia, Realme, TCL we Meizu kompaniýalary öz goşandyny goşdular.
Huawei Uhanyň haýyr-sahawat federasiýasyna epidemiýanyň öňüni almak üçin we oňa garşy göreşmek üçin 4,3 mln dollar töweregi pul geçirdi. Mundan başga-da, Huawei Uhan keselhanasynda 5G baza stansiýalaryny oturtmk işini tamamlady. Beýleki smartfon kompaniýalary Oppo we Vivo hem kömek üçin birmeňzeş puly sarp etdiler, TCL bolsa 1,5 mln dollar töweregi geçirdi.
TCL jemgyýetçilik ýerlerini ŽK-panelleri, kondisionerleri, holodilnikleri, kir ýuwujy maşynlary we beýleki zerur bolan önümler bilen mugt üpjün edýär.
Nubia bölümi Uhanyň haýyr-sahawat federasiýasynyň hasabyna 86 müň dollar töweregi pul geçirdi, Realme-niň we Meizu-nyň goşandy degişlilikde 72 we 43 müň dollar boldy.
Ilki Xiaomi, Lenovo we beýleki kompaniýalar kömek edipdi, olar gaýragoýulmasyz kömegi ýetirmek üçin ilkinji bolup gorag maskalary we esbaplary bilen üpjün etdiler.
На борьбу со страшным вирусом Huawei и другие лидеры рынка тратят миллионы долларов
- 28.01.2020 13:38
- 8.6k+
