Bugatti brendi özüniň model lineýkasyny giňeltmegi meýilleşdirýär. Veyron we Chiron giperkarlaryň hataryna her gün üçin niýetlenilen asyl täze we gymmat bolmadyk awtomobil goşular. Bu barada Autocar neşiri habar berýär.
Giperkarlary öndüriji fransuz kompaniýasy model hataryny täze we has amatly awtomobilleriň hasabyna giňeltmek pikirinden el çekenok. Öň HBS Bugatti-niň Chiron giperkarynyň has ykjam we elýeterli alternatiwasy bolup biljek täze awtomobilini işläp taýýarlamak mümkinçiligi barada Volkswagen kompaniýasy bilen gepleşikleri geçirýändigini habar berdi.
Häzirki wagtda «köpçülik» üçin awtomobili taýýarlamak barada gutarnykly çözgüt ýok, ýöne eger-de iş oňuna bolsa, onda täze önüm dört orunly gran-turer ýa-da güýçli elektrik gurluşly krossower bolar.
Täze model goldaw tapsa, onda onuň tiražy Chiron giperkaryndan ýokary bolar, ýöne bu eksklýuziwlige hiç hili täsir etmez. Häzirki günde Bugatti ýylda 100 töweregi awtomobil çykarýar, täze model bolsa önümçiligiň göwrümini 600-700 ulaga çenli artdyrmaga mümkinçilik berer.
Ýewropa bazarynda bu täze önümi ilki britan ýaşaýjylarynyň, şeýle-de ABŞ-dan we Hytaýdan müşderileriň eýe bolmagyna garaşylýar. Dogrusy, bu hadysa 2025-nji ýyldan ir bolmaz.
«Bugatti» gündelik ulanmaga niýetlenilen gymmat bolmadyk awtomobilini çykarar
- 27.01.2020 22:33
- 7.7k+
