Apple kompaniýasy «alma» gajetleriniň muşdaklary üçin garaşylmadyk sowgat taýýarlady: korporasiýa fewral aýyndan başlap arzan iPhone-y çykarmaga girişmegi meýilleşdirýär.
Hususy çeşmesine salgylanmak bilen Bloomberg neşiriniň ýazmagyna görä, gajet daşky görnüşi boýunça ekranynyň diagonaly 4,7 dýuým bolan iPhone 8-i ýatladar. Touch ID funksiýasy «Öýe» düwmesinde ýerleşdiriler, kompaniýa bu gezek Face ID tehnologiýasyny ulanmaz. Býujetli smartfon prosessoryny iPhone 11 flagmanyndan alar.
Neşir Apple kompaniýasynyň şeýle etmek bilen bazaryň býujetli tehnikalar bölegini eýeläp, onda özüniň tutýan ornuny has hem giňeltmegi meýilleşdirýändigini belleýär. Şeýle ädime badalga bolsa 5G tehnologiýalaryna eýe bolan täze gajetleriň ýüze çykmagy boldy.
Täze smartfonuň üstünde işlemek eýýäm fewral aýyndan başlar, onuň tanyşdyrylyşyny mart aýynda geçirmek göz öňünde tutulýar. Täze gurluşyň bahasy barada heniz hiç zat belli däl.
Apple arzan bahaly iPhone-y hödürlemäge taýýarlanýar
- 27.01.2020 22:06
- 8.1k+
