Meteorologlar bäşinji nesliň mobil aragatnaşygynyň ornaşdyrylmagynyň atmosferany öwrenmekde bökdençlikleri döredip biljekdigi hakynda howatyrlanmalaryny beýan edýärler. Bu bökdençlikler bolsa, howa maglumatyny anyk aýtmagy kynlaşdyrar.
Gürrüň 5G ulgamlaryň howanyň çyglylygy hakynda maglumat toplaýan mikrotolkunly radiometrler üçin döredip biljek bökdençlikleri barada gidýär. Bu bökdençlik haçanda bäşinji nesliň mobil aragatnaşygy meterologik hemranyň ulanýan ýygylyk diapazonynan golaý diapazonda hereket edende ýüze çykyp biler. Ygalyň düşmegini aýtmaga mümkinçilik berýän atmosferanyň radiolokasion seljermesi üçin 24 GHz-e golaý diapazon ulanylýar.
Şol bir wagtda, 5G ulgam üçin enjamlary işläp taýýarlaýjy iri kompaniýalaryň biri bolan Huawei kompaniýasy 5G üçin bölünip berlen ýygylyklaryň meteorologlar tarapyndan ulanylýan ýygylyklardan has uzakdadygyny belleýärler. 5G boýunça dünýä häzir bitewi standart ýok. 3,4-3,8 GHz iň amatlysy hasaplanylýar.
5G ulgamy howa maglumatyny çaklamagy kynlaşdyryp biler — meteorologlar
- 19.01.2020 12:12
- 3.6k+
