Microsoft kompaniýasy uglerod yzlaryny çäklendirmek boýunça meýilnamalary bilen paýlaşdy. Korporasiýa 2030-njy ýyla çenli uglerodyň zyýanly zyňyndylaryny otrisatel derejä çykarmagy, 2050-nji ýyla çenli bolsa, 1975-nji ýylda döredilen wagtyndan bäri tutuş döwürde zyýanly zyňyndylarynyň netijelerini dolulygyna ýok etmegi meýilleşdirýär. Bu meýilnama häzirki zyňyndylary çäklendirmegi, şeýle hem atmosfera zyýanly zyňyndylaryň önümlerini ýok etmegi öz içine alýar.
Bu maksatlaryny durmuşa geçirmek üçin kompýuter korporasiýasy 2025-nji ýyla çenli energiýanyň diňe gaýtadan dikeldilýän çeşmelerini peýdalanmagy, tokaýlary oturtmak we gaýtadan dikeltmek boýunça çärelere gatnaşmagy, şeýle hem uglerod yzlaryny ýok etmek boýunça tehnologiýalary ösdürmäge 1 mlrd dollar maýa goýmagy meýilleşdirýär.
Microsoft uglerod zyňyndylarynyň möçberlerini azaldar
- 17.01.2020 21:09
- 1.4k+
