Aşgabatda S.Türkmenbaşy we A.Nyýazow şaýollarynyň çatrygynda ikiderejeli ulag geçelgesiniň gurluşygy alnyp başlandy. Ýerasty tuneliň we dört sany pyýada geçelgäniň gurluşygyny bäsleşikde ýeňiş gazanan «Nusaý ýollary» hususy kärhanasy alyp barýar.
Ikiderejeli ulag geçelgesini döretmek zerurlygy Aşgabatda awtoulaglaryň sanynyň artmagy bilen şertlenendir. Geçen ýyllarda şäherde gurlan köprüler, iki we üç derejeli geçelgeler ulag ýüküni düýpli ýeňilleşdirmäge ýardam etdi.
Ýerasty tuneliň taslamasy şäher arhitektorlary we taslamaçylary tarapyndan bu ugurdaky öňdebaryjy tejribäni ulanmak hem-de häzirki zaman dizaýnerçilik çözgütlerini peýdalanmak arkaly ýerine ýetirildi.
Bu ýol geçelgesinde tuneliň üstünde sekizburçluk görnüşinde sütün oturdylyp, onuň dört tarapyna hem 8х8 metr ölçegli telewizoryň ekrany ýerleşdiriler. Ýol-ulag infrastrukturasynyň täze desgasy şu ýylyň sentýabrynda ulanyşa giriziler.
Aşgabadyň merkezinde täze awtomobil tuneli gurulýar
- 17.01.2020 21:07
- 7.3k+
