Bu gün sazyň muşdaklarynyň her biriniň aýdym diňleýji enjamlaryndan ähli döwrüň we halklaryň iň meşhur saz toparynyň – Liwerpuldan meşhur dörtlügiň «Yesterday», «Yellow Submarine», «Let It Be» we başga-da birnäçe eserleri ýaňlanýar. ÝUNESKO-nyň karary boýunça 2001-nji ýyldan bäri 16-njy ýanwarda «The Beatles-iň» Bütindünýä güni bellenilip gelinýär.
Bu baýramyň senesi tötänlikden saýlanylan däl. 1957-nji ýylyň 16-njy ýanwarynda Liwerpulda «The Cavern» kluby açylýar, ine, şu ýerden hem heniz hiç kime belli bolmadyk ýaş sazandalar Jon Lennon, Pol Makkartni we Jorj Harrison şöhrata tarap öz ýoluny başlaýarlar. Birnäçe ýyldan soň olara ýene bir «bitl» Ringo Starr hem goşulýar.
1964-nji ýylyň 16-njy ýanwarynda «The Beatles-iň» taryhynda ýene bir belli waka bolup geçýär: «Cashbox» žurnaly amerikan hit-paradynda «I Want To Hold Your Hand» aýdymyna birinji ýeri berýär.
Adaty düzümde «The Beatles» sekiz ýyl zähmet çekýär. Şol wagtyň içinde-de olar resmi taýdan 13 sany albomyny çykarýarlar, ol aýdymlaryň her biri bolsa hakyky hite öwrülýär.
Topar birbada «The Beatles» (beetle (tomzak) we beat (urmak, urgy, ritm) sözlerinden) diýlip atlandyrylmaýar. Ilkibaşda ol «The Quarrymen» (sazçylaryň okan Quarry Bank mekdebiniň şanyna), soňra Johnny and The Moondogs we Long John and The Silver Beetles adyny alýarlar.
Bu topar 1963-nji ýylda «Please Please Me» aýdymy çykandan soň tutuş dünýä tarapyndan ykrar edilýär.
Tutuş dünýä «The Beatles» gününi belleýär
- 16.01.2020 23:23
- 1.6k+
