«Oskar» baýragynyň dalaşgärleri belli edildi: «Joker» - liderlikde

Amerikan kino akademiýasy «Oskar» baýragyna dalaşgärleri mälim etdi. «Joker» filmi iň köp nominasiýalarda hödürlenildi («Iň gowy kartina», «Iň gowy režissýor», «Iň gowy aktýor», «Iň gowy adaptirlenen ssenariý», «Iň gowy makiýaž» we beýlekiler).
«Iň gowy film» nominasiýasynda altyn heýkel üçin «Ford Ferrarä garşy», «Irlandiýaly», «Jojo towşanjyk», «1917», «Bir gezek Golliwudda», «Parazitler», «Kiçijek zenanlar» we «Nika wakasy» filmler hem bäsleşer.
Amerikan kino akademiýasynyň esasy baýragyna dalaşgärleriň arasynda Russiýanyň hem işi bar. Praganyň kinosungat Akademiýasynyň talyby Darýa Kaşeýewanyň «Gyz perzent» multfilmi we «Saçlak söýgi», «Kotbul», «Ýatdan çykmajak», «Uýa» multfilmleri «Iň gowy gysga metražly animasion filmi» nominasiýasynda hödürlenildi.
Gysga sanawa giren başga-da rus işlerinden: Kantemir Balagowyň «Dylda» kartinasy, Wiktor Krasowskiýniň «Akwarel» dokumental filmi we Konstantin Bronzitiň «Ol kosmossyz ýaşap bilmez» multfilmi – nominantlaryň sanawyna goşulmady.
«Iň gowy erkek adamyň roly» nominasiýasyna hödürlenildi: Antonio Banderas, «Agyry we şöhrat»; Leonardo Di Kaprio “Bir gezek… Golliwudda»; Adam Draýwer, «Nika wakasy»; Hoakin Feniks, «Joker»; Jonatan Praýs, «Iki kaka».
«Iň gowy daşary ýurt filmi» nominasiýasyna: «Kristi Korpusy» (Polşa), «Ballar dünýäsi» (Demirgazyk Makedoniýa), «Biçäreler» (Fransiýa), «Agyry we şöhrat» (Ispaniýa), «Parazitler» (Günorta Koreýa).
Baýragyň gowşurylyş dabarasy 9-njy fewralda Los-Anjelesde geçiriler.