Türkmenistanyň Prezidenti Gurbanguly Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Omanyň Soltany Haýsam ben Tarek Al Saide Soltan Kabus ben Saidiň aradan çykmagy zerarly gynanç bildirdi.
1970-nji ýyldan bäri ýurdy dolandyran Soltan Kabus ben Said uzak dowam eden keselden soň aradan çykdy. Bu barada Omanyň täzelikler agentlikleri habar berdi. Ýurtda üç günlük matam yglan edildi. Gönüden göni mirasdüşeri bolmandygy sebäpli, Omanyň Soltany wezipesine onuň 66 ýaşly doganoglany — Haýsem ben Tarek Al Said saýlandy. Mundan öň, ol Miras we medeniýet ministri wezipesini eýeleýärdi. Şenbe güni irden ol Omanyň täze Soltany hökmünde kasam kabul etdi.
Türkmenistanyň Prezidenti Omanyň hökümetine gynanç bildirdi
- 12.01.2020 12:33
- 7.3k+
