17-nji ýanwarda «Türkler barýarlar: adalat gylyjy» («Турки идут: меч справедливости» filminiň dünýä boýunça premýerasy geçiriler. Bu kartina «Ajaýyp asyr» («Великолепный век») göwrümli kartinadan bäri iň bir garaşylýan premýera bolup durýar. Bu barada «РусТуркей» neşiri habar berýär. Bäş günüň içinde taryhy dramanyň täjirçilik-roligini internet torunda 20 milliondan gowrak adam gördi. Bu film ABŞ, Kanada, Braziliýa, Meksika, Awstraliýa, Ýaponiýa, Günorta Koreýa, Beýik Britaniýa, Germaniýa, Fransiýa, Gollandiýa, Italiýa, Russiýa, Günorta Afrika, Hindistan, Indoneziýa, Malaýziýa, Katar, Azerbeýjan, Gazagystan ýurtlarynda we başga-da birnäçe ýurtlarda birwagtda çykar.
Kartinanyň sýužeti 1389-njy ýylyň 15-nji iýunynda bolup geçen Kosowo meýdanyndaky söweşiň çäginde gurnalan. Şonda türk-osmanlarynyň goşuny serb feodallary bilen Bosniýa şalygynyň birleşen goşunyny derbi-dagyn edýär.
Kartinanyň režissýory eýýäm «Воскресший Эртугрул» we «Основание Осман» lentalary boýunça belli bolan Mehmet Bozdag. Onuň pikiriçe, bu film «Великолепный век» filmine bäsdeş bolup biler.
Baş rollarda meşhur türk artistleri Seraý Kaýa, Eren Wurdem, Emre Kywyljym, Lewent Ozdilek we beýleki aktýorlar çykyş edýär.
«Турки идут: меч справедливости» filmi premýerasyndan öň rekord täzeleýär
- 11.01.2020 18:32
- 8.7k+
