Pekinde lukmançylyk ylymlarynyň Hytaý akademiýasynyň alymlary gök çaýyň peýdaly alamatlaryny öwrendiler. Olar bu içginiň ýürek-damar keselleriniň ýüze çykmak howpuny peseldýändigini bellediler.
Barlagyň çäginde, öň ýürek tutma, insult we rak keselleri bilen «çaknyşyp» görmedik 100 902 adamyň saglyk ýagdaýy öwrenildi. Olaryň endiklerini öwrenmek bilen alymlar çaýyň kabul edilmeginiň ömür dowamlylygyny 1,26 ýyl uzaldýandygyny kesgitlediler. Bu içginiň muşdaklarynda ýürek-damar keselleriniň ýüze çykmak howpy 22% pese düşýär.
Barlaga gatnaşyjylaryň 49%-i gök çaý, 8%-i gara çaý içdiler, beýlekiler bolsa hoşboý ysly beýleki görnüşleri özlerine has ýakyn hasapladylar. Birinji içgi ýürek keseliniň we rak keseliniň güýçlenmek howpuny 25% peseltmek bilen iň peýdalysy boldy. Alymlar şeýle täsiri gök çaýyň düzüminde polifenolyň barlygy bilen baglanyşdyrýarlar. Bu peýdaly madda beýleki görnüşlerde hem bar, ýöne fermentleşen görnüşde, şonuň hasabyna hem antioksidant täsiri pese düşýär. Içgä süýdüň goşulmagy bolsa, organizme bolan peýdaly täsirini has hem pese düşürýär.
Gök çaýyň yzygiderli içilmegi ýürek-damar keselleriniň ýüze çykmak howpuny peseldýär
- 11.01.2020 18:27
- 4.9k+
