«Sowuk ýürek – 2» («Холодное сердце – 2») multfilmi «Walt Disney» kompaniýasynyň 2019-njy ýylda 1 mlrd dollardan gowrak girdeji ýygnamagy başaran altynjy proýekti.
«Sowuk ýürek – 2» kinematografiýanyň tutuş taryhynyň dowamynda iň girdejili multfilm boldy. Bu barada Box Office Mojo portaly habar berýär. Annanyň we Elzanyň başdan geçirmeleriniň ikinji bölümi prokatda $1,328 mlrd gazandy.
Bu multfilm birinji bölümi bolan «Холодное сердце» we «Суперсемейки – 2» multfilmleriniň ($1,281 mlrd we $1,243 dollar) goýan rekordyny täzelemegi başardy.
Ähli döwürleriň iň girdejili kinolentalarynyň sanawynda bu multfilm 14-nji orny eýeleýär. Box Office Mojo portalynyň maglumatlaryna laýyklykda, taryhda iň girdejili film tutuş dünýä boýunça prokatda $2,797 mlrd ýygnan «Мстители. Финал» hasaplanylýar. Şeýlelik bilen, doganlar Entoni we Jo Russonyň bu kartinasy Jeýms Kemeronyň 2009-njy ýylda prokata çykan we tutuş dünýäde $2,789 ýygnan «Awatar» filminden öňe geçdi. Iň girdejili filmleriň sanawynda üçünji orny $2,187 ýygnamagy başaran «Titanik» filmi eýeleýär.
Taryhda iň girdejili multfilm atlandyryldy
- 11.01.2020 18:22
- 6k+
