Petekleriň satuwy boýunça amerikan gullugy bolan Fandango tomaşaçylardan pikir soraşma geçirmek arkaly 2020-nji ýylyň iň garaşylýan filmlerini atlandyrdy. Bu barada Ria Nowosti Collidere salgylanyp habar berýär.
Bellenilişi ýaly, 2020-nji ýylyň iň garaşylýan kino lentalarynyň sanawynda birinji ýerde baş keşpde Gal Gadot janlandyran «Täsin zenan 1984» («Чудо женщина 1984») durýar.
Ondan soňra, Skarlet Ýohansenli «Gara dul» («Черная вдова»), Marvel studiýasynyň «Ebediler» («Вечные») filmi we disneý multfilmi bolan «Mulanyň» ekranlaşdyrylmagy gelýär. Agzalyp geçilen filmleriň ählisiniň hem režisýorlary zenanlardyr.
Sanawyň onlugyny şu filmler jemleýär: Jeýms Bond baradaky soňky film «Ölmegiň wagty däl» («Не время умирать»), «Ýuwaş ýer 2» («Тихое место 2»), «Ýabany guşlar: Harli Kwinniň haýran galdyryjy wakasy» («Хищные птицы: Потрясающая история Харли Квинн»), «Belentlikde» («На высоте»), Pixar studiýasyndan «Ruh» («Душа») we «Forsaž 9» («Форсаж 9»).
2020-nji ýylyň iň garaşylýan filmleri
- 09.01.2020 23:02
- 9.1k+
