Depressiýanyň esasy alamatlary aýdyldy

Kähalatlarda keýpiň bolmazlygy hakyky depressiýa ýagdaýyna çenli baryp ýetýär. 
Amerikaly psihiatr we psihoterapewt Jennifer Peýn adaty keýpsizligiň depressiýa çenli baryp ýetendigini nädip kesgitlemelidigini gürrüň berýär. Möhüm şert – dowamlylyk. Eger-de bu alamatlar iki hepde bäri dowam edýän bolsa, onda lukmana görünmeli, diýip MedikForum ýazýar.
Siz adatdakydan köp ýa-da az iýýärsiňiz. Depressiýany emele getirýän gaýgy, göwnüçökgünlik we özüňe pes bermek ýaly emosiýalaryň birikmegi sizi duýgularyňyzy iýmitiň kömegi bilen köşeşdirmäge mejbur edip biler. Ýa-da tersine, siz iýmite bolan islegiňizi ýitirersiňiz.
Siz has köp ýa-da has az ýatyp başlaýarsyňyz. Dowamly uky psihika üçin «gaçybatalga» bolup biler. Ýarym uky ýa-da ukusyzlyk eýýäm kyn ýagdaýdyr.
Sizi birwagtlar gyzyklandyrýan zatlar size ýaraman başlaýar. Depressiýa sizi gyzyklandyrýan ýumuşlaryňyza we hobbiňize parhsyzlygy ýüze çykarýar. Bu bolsa, elbetde, ahyrynda sizi daş-töweregiňizdäkilerden çetleşmäge mejbur edýär.