Uzak ýaşamak üçin günde näçe gezek otžimaniýe etmelidiginiň anyk sany anyklanyldy

Amerikan hünärmenleri erkek adamlaryň ömrüni uzaltmaga ýardam edýän otžimaniýanyň anyk sanyny anykladylar. Garward uniwersitetiniň hünärmenlerine bu maşk bilen erkek adamlaryň saglygynyň arasyndaky özara baglanyşygy ýüze çykarmak başartdy. Bu barada internet-çeşmesi habar berýär.
Fiziki maşklaryň saglyk üçin peýdasy hemmä belli bolan faktdyr. Muňa garamazdan, ABŞ-nyň alymlary eksperiment geçirdiler, bu bolsa zerur bolan hereketleriň anyk sany baradaky soraga jogap tapmaga mümkinçilik berdi.
10 ýyl töweregi geçirilen barlagyň dowamynda hünärmenler otžimaniýanyň ýürege oňaýly täsir edýändigini anykladylar. Alymlaryň aýtmagyna görä, ýürek-damar keselleriniň güýçlenmek howpuny 96% pese düşürmek üçin erkek adamlara günde 40 gezek otžimaniýe etmek ýeterlik.
Statistik maglumatlar 10 gezek gaýtalamadan köp ýerine ýetirip bilmeýän adamlaryň infarkta we insulta has köpräk sezewar bolýandygyny görkezýär.
Eger-de bu görkeziji 30-40-a çenli artdyrylsa, onda howply keselleriň güýçlenmek howpy hem 75% pese düşýär.
Ahyrynda alymlar otžimaniýanyň ýüregiň işleýşine oňaýly täsiriniň erkek adamlaryň ömür dowamlylygyny artdyrmaga ýardam edýändigi baradaky netijä geldiler.