Beýni üçin iň peýdaly witaminler

Beýniň kadaly işleme gazanylmazdan, özüňi oňat duýmak we ähli beden agzalaryňy gowy ýagdaýda saklamak mümkin däl.
— E, C we A witaminleriň yzygiderli kabul edilmegi beýni üçin peýdalydyr – diýip, lukmanlar nygtaýarlar. Bu barada Telegraf habar berýär.
E witamini ösümlik ýagynda we mesgede, süýtde, ýumurtgada saklanmak bilen, beýni öýjüklerini goraýar.
C witamini pikirleniş prosesiniň işjeň hereket etmegi üçin diýseň peýdaly, oňa diňe bir sitruslar däl, eýsem, islendik gök önüm, gara smorodina, oblepiha we itburun miwesi hem baýdyr.
A witamini beta-karotiniň esasynda ýüze çykýar. Gara-gök we mämişi önümler – beta-karotiniň çeşmesi. A witamin treskanyň bagrynda, bolgar burçunda, süýt önümlerinde, balykda hem bar.
Ýatlap geçsek, Günorta Awstraliýa uniwersitetiniň ýanyndaky Takyk saglygy goraýyş merkeziniň alymlary depressiýanyň 22 sany dürli keseliň ýüze çykmagynyň sebäbidigini anykladylar. Bellenilişi ýaly, depressiýa ýüregiň işemiýa keseliniň, demgysmanyň, ezofagitiň we gastroenteritiň ýüze çykmagyna getirýär. Hünärmenler genetiki barlag arkaly (MR-PheWAS-analiz) 337-536 adamyň maglumatlaryny öwrenmek bilen şeýle netijä geldiler.