Seýilgählerde gyşyna ylgamak stress bilen göreşmegiň netijeli usuly hasaplanýar. Bu barada lukmanlar belleýär.
Hünärmenleriň aýtmagyna görä, eger-de fiziki işjeňlik wagtynda howa güneşli bolsa, onda adamda D witaminiň ýetmezçiliginiň üsti doldurylar. Mundan başga-da, tebigat bilen aragatnaşyk stressden dynmaga we serotoniniň (şähdaçyklygyň gormony) hem-de ganyň düzüminde adrenaliniň derejesiniň ýokarlanmagynyň hasabyna şähdiňi açmaga kömek edýär.
Şeýlelik bilen, açyk howada ylgamak adam üçin depressiýa garşy özboluşly derman bolup biler.
Gyşyna açyk howada ylgamaklyga dogry çemeleşmek immunitetiň berkemegine, organizmiň taplanmagyna we sowuklama keselleriniň öňüni almaklyga ýardam eder.
Şeýle-de, hünärmenler sportuň gyşky görnüşleri bilen meşgullanmagy hem maslahat berýär. Bellenilişi ýaly, konkide typmak buduň myşsalaryny berkitmäge ýardam edýär. Ýöne buzda typmaga çykmazdan ozal, şikesden gaça durar ýaly sportuň görnüşine degişli başlangyç hereketleri öwrenmeli.
Lukmanlar hetdenaşa fiziki agramlygyň ýadawlyga we sussupeslik ýagdaýyna getirip biljekdigini hem ýatlatdy.
Lukmanlar stressden dynmagyň aňsat usulyny aýtdylar
- 05.01.2020 23:34
- 4.4k+
