Pudagyň wekillerinden alnan maglumatlara salgylanmak bilen, çeşmeleriň habar bermegine görä, Samsung Electronics kompaniýasy 7-10-njy ýanwarda geçiriljek «CES 2020» sergisinde mikroyşykdiodly displeýleri baradaky meýilleri bilen tanyşdyrar. Kompaniýanyň önümi öndürmegiň grafiginde displeýleriň tehniki häsiýetnamasy, maýa goýumlaryň göwrümi baradaky maglumatlary bellemegine garaşylýar.
Samsung kompaniýasy «CES 2019» sergide 75 dýuýmly kwazimikroyşykdiodly displeýini görkezipdi. Bu ýylky «CES» sergisinde bolsa onuň hakyky mikroyşykdiodly displeýi hödürlemegine garaşylýar.
Bellenilip geçilen 75 dýuýmluk displeý üçin yşykdiodly çipler bilen üpjün ediji «PalyNitride» taýwan kompaniýasy Samsung bilen hyzmatdaşlygyny 2020-nji ýylda dowam etdirer. Häzirki wagtda ol önümçiliginiň gerimini giňeldýär, netijede ol aýda mikroyşykdiodly 10 000 plastinalary öndürip biler.
Samsung «CES 2020» sergisinde mikroyşykdiodly displeýleri baradaky meýillerini gürrüň berer
- 04.01.2020 22:39
- 1.6k+
