25-nji dekabrda paýtagtymyzyň günorta-gündogaryndaky Parahat — 7/3 ýaşaýyş toplumynda köp gatly jaýlaryň dördüsi ulanylmaga berildi. Açylyş dabara Prezident Gurbanguly Berdimuhamedowyň tabşyrmagy boýunça Aşgabat şäheriniň häkimi Ş.Durdylyýew gatnaşdy. Nobatdaky binagärlik-gurluşyk açylyş dabarasy — Parahat — 7/3 ýaşaýyş toplumynda gurlan täze jaýlaryň ulanmaga berilmegi amala aşyrylýan ösüşlere beslenen özgertmeleriň ýene-de bir nyşanyna öwrüldi
Köp gatly jaýlaryň dördüsinden üçüsiniň her biri 54 hojalyga hem-de biri 108 hojalyga niýetlenendir. Şeýlelikde, şu gün Aşgabatda maşgalalaryň 270-si oňaýly öýleriň açarlaryny aldylar. Şol öýler otaglarynyň ýerleşişiniň amatlylygy, döwrebap enjamlar bilen üpjün edilen aşhanalary bilen tapawutlanýar. Şeýle hem bu ýerde kömekçi otaglar we beýlekiler göz öňünde tutuldy. Öýleriň bezeglerinde döwrebap gurluşyk we bezeg serişdeleri ulanyldy.
Täze jaýlary guran potratçylar onuň ýanaşyk ýerleriniň abadanlaşdyrylmagy barada hem alada etdiler. Bu ýerde degişli durmuş düzümleri döredildi, ulag ýoly, yşyklandyryş ulgamy çekildi, baglar we güller ekildi.
Aşgabatda Parahat — 7/3 ýaşaýyş toplumynda täze jaýlary açyldy
- 26.12.2019 06:48
- 5k+
