Facebook Android-iň ornuny tutjak şahsy operasion ulgamyny taýýarlaýar

Şonuň bilen bir wagtda hususy ses assistentiniň üstünde hem işler alnyp barylýar.
«The Information» agentliginiň täze hasabatyna görä, Facebook kompaniýanyň Android-e bolan garaşlylygyny peseltmäge ýardam etjek şahsy operasion ulgamyny işläp taýýarlaýar. Häzirki wagtda taslama Windows NT-niň üstünde işlän, Microsoft-yň weterany Mark Lukowskiý ýolbaşçylyk edýär
Hasabatda şahsy operasion ulgamynyň ulanyljak gurşawlary we niýetlenişi baradaky maglumatlar az, ýöne kompaniýanyň geljekki dewaýslarynda Google programma üpjünçiligine mätäçlik bolmajakdygy bellenilýär. Muny wirtual hakykat bölüminiň ýolbaşçysy Fikus Kirpatrik tassyklady.
Şunuň bilen birlikde Facebook kompaniýasynyň real hakykat bilen üsti ýetirilen “Orion” açar sözli äýnekleriň taslamasy baradaky maglumatlary hem ýüze çykdy. Olar eýýäm
2023-nji ýylda çykarylyp başlanmaly we elbetde, enjam kompaniýanyň hut şahsy operasion ulgamynda işlär. 2023-nji ýylda Apple kompaniýasynyň hem öz AR-äýneklerini görkezmeginiň mümkindigi-de bellärliklidir, emma olar barada gürrüňler heniz az.
Şeýle-de, hasabatda Facebook-yň şahsy apparat çipini we ses kömekçisini işläp düzýändigi baradaky maglumatlar hem bar. Bu ugurlaryň ählisiniň ösmegi Facebook-yň has garaşsyz bolmagyna mümkinçilik berer – soňky wakalardan netije çykarsak, bu hakyky tehnologik trend bolar.