Huawei kompaniýasy Birleşen Korollygyň paýtagtynda «5G Innovation and Experience Centre» diýlip atlandyrylan bäşinji nesil ulgamynyň mümkinçilikleriniň demonstrasiýa merkezini açdy. Telekommunikasion enjamlaşdyrylyş kärhanasynyň ýolbaşçysynyň aýtmagyna görä, bu merkez “täzelikçileriň we telekeçileriň arasyndaky hyzmatdaşlygy berkitmäge kömek eder we 5G ekosistemasynyň geljekki ösüşine ýardam berer”.
Huawei tarapyndan açylan merkez 5G tehnologiýasynyň ulanylmagy bilen bagly bilimleriň we tejribeleriň alyş-çalyş platformasy bolar diýlip hasaplanylýar. Elbetde, onuň hereket ediş çägi Beýik Britaniýa bilen çäklendirilenok.
Merkeze gelenler dowam edip duran wagtda gyzykly interaktiw oýunlara baha berip, wirtual we hakykat bilen doldurylan tehnologiýalary peýdalanmak arkaly özleriniň söýgüli topary bilen oýnap, şeýle-de 5G-niň başga mümkinçilikleri bilen tanşyp bilerler.
Üçünji çärýegiň hasabatynda Huawei kompaniýasy Beýik Britaniýanyň iri operatorlaryndan başlap, aragatnaşygyň öňdebaryjy dünýä operatorlary bilen 5G ulgamy boýunça çözgütleri ýola goýmakda 60-dan gowrak söwda şertnamalaryny baglaşandygyny habar berdi.
Huawei открыл инновационный 5G-центр в Лондоне
- 20.12.2019 23:39
- 2.2k+
