Günde iki alma ýürek bilen bagly meselelerden gorar

Almanyň peýdasy hakynda her birimiz eşitdik. Ylmy maglumatlara görä, alma çilim çekip taşlan adamlaryň saglygyny dikeltmäge kömek edýär, rak keselinden goraýar.
Redingsk uniwersitetiniň hünärmenleriniň geçiren täze ylmy işiniň netijesi bu miwäniň gündeki rasiona girizilmegi üçin ýene bir delil döretdi. Ýaňy-ýakynda geçirilen barlaga 51 ýaşda bolan orta ýaşdaky 40 sany meýletinçi gatnaşdy (23 aýal we 17 erkek).
Barlaga gatnaşyjylary iki topara böldüler. Birinji topar sekiz hepdäniň dowamynda günde iki almadan iýdiler, beýleki topar bolsa içiljek wagty sykylyp alnan alma şiresini içdiler.
Ol düzümindäki şekeri we kaloriýasy boýunça bitewi miwä gabat gelýär. Ýöne alma şiresindäki kletçatkalaryň mukdary bitin miwedäki 8,5 gramm bilen deňeşdirilende 0,5 gram azdy.
“Alma berhiziniň” başlananyndan iki aý geçenden soň, hünärmenler gatnaşyjylaryň ganyny barlama işini geçirdiler. Analiziň netijesi günde iki miwäni kabul edýän toparda holesteriniň umumy düzüminiň ortaça 3,6 göterim peselendigini görkezdi.
Şeýle-de, alymlar yzygiderli berhizde almanyň damarlaryň ýagdaýyny olaryň aktiwligini sazlamak bilen gowulandyrýandygyny anykladylar.
Almanyň oňaýly täsirini ekspertler ilkinji nobatda onuň düzümindäki kletçatkalar bilen baglanyşdyrýarlar. Olar bagyrdaky holesteriniň ýüze çykmasyny peseldýän içege bakteriýalarynyň esasy görnüşiniň ýaýramagy üçin möhüm.
Şeýle ýagdaýda, kletçatka onuň damar diwarlarynda ornaşmagyna gytaklaýyn täsir edýär we infarktyň hem-de insultyň ýüze çykmak howpuny peseldýär.
Iňlis barlag geçirijileriniň geçiren eksperimentiniň netijeleri American Journal Of Clinical Nutrition neşirinde çap edildi.