«Agzybirlik tilsimaty» kärhanasy Türkmenistanyň söwda we daşary ykdysady aragatnaşyklar ministrliginiň Kompýuter tehnologiýalary merkezi bilen bilelikde noutbuklaryň we netbuklaryň kuwwaty has artdyrylan kämil görnüşleriniň täze tapgyryny çykarmaga taýýarlyk görýär. Bu kompýuterleriň tehniki häsiýetnamalary we programma üpjünçiligi Bilim ministrligi bilen bilelikde kesgitlenildi.
«Agzybirlik tilsimaty» tarapyndan öňki öndürilen hem-de şu ýyl birinji synp okuwçylaryna sowgat berlen kompýuterler bilen deňeşdirilende, täze tapgyr has güýçli kuwwata eýe bolar. Olaryň ekranynyň ölçegi we operatiw ýady artdyrylar. Programma üpjünçiligi gowulandyrylar.
Mälim bolşy ýaly, birinji synpa gidýän okuwçylara kompýuter sowgat bermek Türkmenistanda asylly däbe öwrüldi. belläp geçsek, şu okuw ýylynda birinji synp okuwçylaryna ýurdumyzda öndürilen 154 müň kompýuter sowgat berildi. Olarda ýörite öwrediji programmalar hem oturdyldy.
Kompýuterleriň täze öndüriljek tapgyryny diňe bir okuwçylara däl, eýsem, içerki bazarda hem ýaýratmak göz öňünde tutulýar.
Birinji synp okuwçylaryna has kuwwatly kompýuterler sowgat berler
- 19.12.2019 12:45
- 10k+
