Türkmenistan Germaniýada geçiriljek «Heimtextil» halkara sergä gatnaşar

Türkmenistanyň dokma senagaty we halyçylyk pudagynyň gazananlary Germaniýanyň Maý boýundaky Frankfurt şäherinde geçirilýän «Heimtextil» iri halkara sergisinde görkeziler. Her ýylda geçirilýän bu halkara sergisine dünýäniň 130-dan gowrak döwletiniň dokma önümçilikleriniň wekilleri gatnaşar. Sergi 2020-nji ýylyň 7-10-njy ýanwarynda geçiriler.
Türkmenistanyň milli ekspozisiýasy pudagyň bu ösüş ugurlaryny görkezmäge gönükdirilendir. Türkmen dokma önümleri soňky ýyllarda dünýä bazarlarynda eýeleýän ornuny barha berkidýär. Bu halkara sergi bolsa bu önümçilik pudagynda marketing strategiýasyny mundan beýläk hem üstünlikli durmuşa geçirmäge ýardam eder.
Türkmenistanyň Statistika baradaky döwlet komitetiniň berýän maglumatlaryna görä, şu ýylyň ýanwar-oktýabr aýlarynda dokma önümçiligi boýunça meýilnama 2 esseden hem artyk ýerine ýetirildi.
Bellenilen döwürde dokma önümleriniň eksport möçberleriniň ösüşi 47%-den geçdi. Haly önümleri boýunça bu görkeziji 2,1 esse artdy. Şol bir wagtda olaryň eksportynyň fiziki möçberi 9,4% artdy.
Ýakynda türkmen halyçylyk sungatynyň ÝUNESKO-nyň maddy däl medeni mirasynyň sanawyna goşulmagy türkmen haly önümleriniň dünýäde abraýynyň has hem artmagyna täzeçe itergi berer.