Döwletjan Ýagşymyradow Butorinden üstün çykyp, АСА-nyň çempiony adyny gorady

Garyşyk göreşiň 30 ýaşly türkmen wekili Döwletjan Ýagşymyradow ýarym orta agram (93 kg çenli) derejede russiýaly Alekseý Butorinden üstün çykyp, АСА-nyň çempiony titulyny goramagy başardy. АСА 103 ýaryşynyň çäklerinde Sankt-Peterburgda «Sibir-Arenada» geçirilen agşamyň esasy göreşi 14-inden 15-ine geçilýän gije bolup geçdi.
Göreş bäş raund dowam etdi. АСА-nyň häzirki çempiony Ýagşymyradow eminler toparynyň çözgüdi bilen ýeňiji diýlip kesgitlenildi.
Indi, türkmen türgeniniň hasabynda 18 ýeňiş, bäş ýeňliş we bir deňme-deňlik bar.
Russiýaly 33 ýaşly Butorin bolsa, karýerasynda dördünji gezek ýeňildi. Ol karýerasynda bary-ýogy 14 gezek ýeňiş gazandy.
Döwletjan Ýagşymyradow — ACA (Absolute Championship Akhmat) garyşyk göreş boýunça çempion bolmagy başaran Türkmenistanyň ilkinji wekili. Watandaşymyz bu çempionlygyny 2019-njy ýylyň 16-njy fewralynda Warşawada (Polşa) geçirilen ACA 92 ýaryşynda polşaly ýarym agyr agramda çykyş edýän Karol Selinskini tehniki nokaut arkaly ýeňip gazandy. Döwletjan Ýagşymyradow 5-nji maýda Moskwada geçirilen ACB 86 ýaryşynda titulyň öňki eýesi russiýaly Batraz Agnaýewi ýeňip, ACB (Absolute Championship Berkut) garyşyk göreş boýunça çempion bolmagy başardy.