WhatsApp dünýä boýunça millionlarça ulanyjylarda işlemesini bes eder

Köne smartfonlardan ýüz öwürmeklik iki tapgyrda alnyp barlar. 2020-nji ýylyň 1-nji ýanwaryndan Windows Phone-iň ähli wersiýalaryny götermeklik düýbünden aýrylar – iň soňky 8.1 Update 2-ä çenli. WhatsApp programmasy 2019-njy ýylyň iýulyndan bäri programmalar marketinden elýeterli däl, ýöne messenjer ony öň ýükläp alyp ýetişenlerde heniz işleýär. Täze ýyldan ol hem işlemesini bes eder.
Ikinji tapgyr – Android 2.3.7 we iOS 8 sistemaly smartfonlardan ýüz döndürmek. Olar hem 2020-nji ýylyň fewralyndan WhatsApp programmasyny götermezler.
Bu sistemalar eýýäm köp ýyl bäri işläp düzüjiler tarapyndan goldanylanok, şol sebäpli WhatsApp döredijileri hemişe täze funksiýalary çykaryp hem-de maglumatlaryň howpsuzlygyny kepillendirip bilenoklar. Messenjeriň kadaly işlemegi üçin pesinden Android 4.0.3 ýa-da iOS 9 we ondan täze sistemaly smartfonlary ulanmak maslahat berilýär.
Şeýle-de, WhatsApp heniz hem Windows 10 Mobile smartfonlarynda işleýär. Ýöne has dogrusy, Microsoft mobil sistemasy ýene-de bir ýyl hyzmat eder, ondan soň messenjer ony hem götermegini bes eder.