Amerikan neýrobiologlary uky bilen ýadyň arasynda arabaglanyşygyň bardygy baradaky netijä geldiler.
Barlagyň dowamynda alymlara berk ukynyň beýniniň işine gönüden-göni täsir edýändigini subut etmek başartdy, bu barada internet çeşmelerinde habar berilýär.
Kaliforniýa uniwersitetiniň hünärmenleriniň geçiren tejribesi iki tapgyrdan ybarat boldy.
Barlagyň birinji tapgyrynda alymlar tarapyndan hatda uky wagtynda-da organyň funksionirlenmegini görkezýän adam beýnisiniň modeli döredildi.
Modeliň neýronlary bir günde kabul edilen informasiýalary gaýtadan işlediler.
Eksperimentiň ikinji tapgyrynda hünärmenler uky wagtynda kelle beýnisiniň neýronlarynyň arasynda gysga wagtlyk ýady uzak wagtlyk ýada öwürýän sinaptiki baglanyşygyň ýüze çykýandygyny anykladylar.
Şeýle-de, neýrobiologlar 36 sagadyň dowamynda ukynyň alynmadyk ýagdaýynda adamyň öwrenýän materialynyň 40% ýaramaz saklanýandygy baradaky netijä geldiler.
Alymlar ukynyň adamyň ýadyna nähili täsir edýändigini ýüze çykardylar
- 12.12.2019 16:40
- 6.1k+
