Dümewi ýeňilleşdirjek we gutulmany çaltlandyrjak 5 maslahat

Eger-de siz dümew ýa-da ýiti resperator wirusly kesel bilen kesellän bolsaňyz, onda dogry we çalt gutulmaga synanyşyň!
Şeýleräk bir degişme: eger sowuklamany bejermeseň, ol bir hepdede aýrylýar, eger bejerseň – onda ýedi günde. Islendik bir degişmede bolşy ýaly, bu ýerde hem diňe gülkiniň we örän köp hakykatyň paýy bar. Eger-de biz gutulmagy tizleşdirip bilmesek-de, keseliň geçişini biraz ýeňil we biraz ýakymly etmäge güýjümiz ýetýär. Şu ýerde keseliň dowamlylygyny ýeňilleşdirmäge we organizme düşýän agramy peseltmäge kömek etjek birnäçe usul görkezilen.
Zeýreniň hem-de goldaw soraň. Ýarawsyz adam ynjyk bolýar, ol ünse hem-de goldawa mätäç bolýar – alymlaryň anyklamagyna görä, bu ýöne ýerden däl. 2015-nji ýylda Ýewropa žurnalynda neşir edilen agyryny aýyrma barada soraglaryň esasynda geçirilen barlaglar baradaky maglumatlar tassykladylar: ýarawsyz adama daş-töweregindäkiler empatiýa bildiren, olara gynanan we duýgudaşlyk bildiren mahallary, agyry hakykatdan hem gowşaýardy. Şonuň üçin goldaw soramaga we zeýrenmäge çekinmäň – häzir bu hakykatdan hem derman.
Gülüň. Kesellediňizmi? Gowy komediýa tomaşa etmegiň, sosial torlarda ýumoristik neşirleri okamagyň iň gowy wagty. Gülki biziň immun sistemamyzy berkidýär, agyry duýgusyny peseldýär we stressi aýyrýar – ýarawsyz wagtyň iň gerekli zatlar.
Dogry ukyňyzy alyň. Eger-de siz kesellän bolsaňyz, gijeki ukynyň gowy bolmagy hökmanydyr: golaýdaky barlaglar köp ýatan we gowy ukusyny alan syrkawlaryň dümewden hem-de beýleki wirusly kesellerden çalt gutulandygyny görkezdi. Özüňizi gowy uky bilen üpjün etmek üçin, ýatýan ýeriňizde kelläňiziň ýeterlik derejede ýokary bolmagyny gazanyň.
Towuk çorbasyny we gök önümden taýýarlanylan çorbany iýiň. Towuk çorbasy hakykatdan hem derman: gyzgyn ýagly suwuklyk burnuň nemli bardalarynyň çyglylygyny saklama kömek edýär, şeýle-de öýkeni suwlandyrýar we üsgülewügi gowşadýar. Towuk çorbasy – bu immuniteti goldamagyň we organizme wirus bilen göreşmäge güýç bermegň usullarynyň biri.
Köpräk çaý içiň. Köpräk gyzgyn içgi – bu hem çalt gutulmagyň hökmany şertleriniň biri. Lukmanlar diňe bir ýyly morslary ýa-da limonly çaýy içmegi däl-de, eýsem, zenjebilli hem-de kurkumaly otly çaýy içmegi hem maslahat berýärler. Imbir sowuklama garşy güýçli täsir edýär, kurkuma bolsa immuniteti goldaýar hem-de sowuklamanyň we dümewiň agyrlaşmak howpuny peseldýär. Bu içgileriň ikisini hem antioksidantlara, antibakterial we antimikrob alamatlaryna eýe bolan ary baly bilen bile içmeli.