Aýda $400 bilen ýazylyşyk esasynda ýaýradyljak özboluşly elektromobiliň köpçülikleýin önümçiligi üçin olary real ýollarda synag edip görmek möhüm ädim bolup durýar. Ol 2021-nji ýylda ýola goýlar.
Şu ýylyň başynda Canoo startapy elektromobilleriň dört nusgasyny döretmek bilen bagly meýilnamasy barada habar berdi. Olaryň biri hem, eýýäm ilkinji ýol synagyndan geçen şäher mikroawtobusydyr. «Electrek-iň» habar bermegine görä, olar 10-njy noýabrda işe başladylar. Ilki real tapgyrlary amala aşyrmazdan ozal, kompaniýanyň inženerleri wirtual modelleşdirmä köp wagt sarp etdiler.
Göwrümi boýunça Canoo mikroawtobusy standart ýeňil awtomobili ýadyňa salýar, ýöne onuň salonynyň göwrümi has ulurak. Döredijileriň aýtmagyna görä, ol ýoly çalt geçmeklige niýetlenilmedik, muňa garamazdan ol bir gezek doly zarýady bilen 400 km ýoly geçmäge ukyply.
Ýol synaglary üçin niýetlenilen elektromobiller Miçigan ştatyndaky kärhanada ýygnalan, ýöne köpçülikleýin önümçilik üçin startap başga bir ady agzalmadyk kompaniýa bilen şertnama baglaşar.
Eýýäm birnäçe hepde bäri iň bir gürrüňi edilýän elektromobil — Tesla Cybertruck bolup durýar. Onuň daşky görnüşiniň köpleri haýran galdyrandygyna garamazdan, eýýäm ony satyn almak isleýän 200 000 adam bilen deslapky sargytlar resmileşdirildi.
Canoo elektrik mikroawtobusy ýola çykdy
- 05.12.2019 22:52
- 4k+
