«TMCARS» türkmen mobil programmasyny ulanyjylaryň sany işe girizileninden bäri, 500 müňden geçdi, diýip Turkmenportal habar berýär. Muňa «Google Play» programmalar magazininiň maglumatlary şaýatlyk edýär. Bu programma şeýle hem AppStore-de hem ýükläp almak üçin elýeterlidir.
«TMCARS» - harytlar barada bildirişleri ýerleşdirmek üçin mobil programmadyr. «TMCARS-yň» esasy maksady adamlara awtomobilleri satyn almaga we satmaga ýardam etmek. Galyberse-de, awtomobillerden başga-da, programmada beýleki bildirişleri ýerleşdirmek mümkin. Bu programma Türkmenistanda iň ýörgünlileriň biri bolup, ýurtda örän köp sanly ulanyjylara eýedir.
Bu programma «Google Play-da» ortaça — 5-den 4,6-a eýedir. Bu örän ýokary görkezijidir. Çünki garaýyşlar real adamlar tarapyndan şahsy ulanyş tejribesiniň netijesinde goýlandyr.
Ýurdumyzda resmi taýdan bellige alnan «TMCARS» portaly okyjylarynyň isleglerini kanagatlandyrmak maksady bilen, ýakynda «Habarlar» bölümini hem işe girizdi. «Habarlar» bölüminde ýurdumyzyň hem-de dünýäniň möhüm täzelikleri bilen bir hatarda — Syýahatçylyk; Moda we stil; Sport; Hi-tech; Awto; Biznes; Hadysalar; Saglyk; Nebit we gaz; Peýdaly maglumat — ýaly ugurlar boýunça hem täzelikleri türkmen hem rus dillerinde okap bilýärler.
«Hem täze, hem tiz» şygar bilen hereket edýän «TMCARS – Habarlar» bölüminde islendik okyjy özüni gyzyklandyryp biljek makalalardyr täzelikleri tapyp biler.
Belläp geçsek, «TMCARS» ýakynda ilkinji gezek «Türkmentel — 2019» atly XII halkara sergisine hem gatnaşdy.
«TMCARS» programmasyny ulanyjylaryň sany 500 müňden geçdi
- 05.12.2019 06:28
- 5.5k+
