5-nji dekabrda Huawei resmi taýdan täze Nova 6 smartfonyny hödürlär. Muňa garamazdan, kompaniýa eýýäm özüniň Vmall hytaý onlaýn-dükanynda smartfon üçin sargytlary kabul edip başlady.
Huawei Nova 6 smartfonynyň bahasy saýtda görkezilmese-de, onuň käbir aýratynlyklary hem-de smartfonyň dizaýny dogrusynda bellenilipdir.
Garaşylyşy ýaly, bu täze önüm ekrana ýerleşdirilen iki sany frontal kamera (aýdyşlaryna görä, datçikleriň biri – 32 megapiksellik), sag gyrasynda barmaklaryň yzyny skanerlemä, şeýle-de dört datçikli esasy kamera eýe boldy.
Mundan başga-da, Huawei Nova 6 Kirin 990 çipine, çalt zarýadlanmaly 4000-4500 mA/sag akkumulýatora we Android 10 ulgamyna eýe bolmaly.
Dükanlarda smartfonyň saýlama üçin iki wersiýasy bar: 4G we 5G ulgamly. Şeýle-de iki konfigurasiýa bar: 8GB operatiw ýatly we 128 ýa-da 256 GB saklama ýerli.
Huawei dört reňkini hem hödürleýär: gara, gök, gyzyl we çal gradiýentli.
5-nji dekabrda Huawei Nova 6 bilen birlikde onuň ýönekeý wersiýasy – Huawei Nova 6 SE hem görkezilmegi mümkin.
Huawei heniz anons edilmedik Nova 6 üçin deslapky sargytlary kabul edip başlady
- 03.12.2019 05:54
- 2.7k+
