«Japan Display» kompaniýasy (JDI) diagonal boýunça 12,3 dýuým ölçegli dury suwuk kristally displeýiniň işlenip taýýarlanylýandygy barada habar berdi. Displeý 4-6-njy dekabr aralygynda Ýaponiýanyň Tiba şäherinde geçiriljek «FinTech JAPAN» sergisinde görkeziler.
2017-nji ýylda JDI kompaniýasy dört dýuýmly suwuk kristally displeýiniň işläp taýýarlanylýandygy barada habar berdi, onda reňkli filtrlere we polýarizatorlara zerurlygy aradan aýyrýan, adatça ŽK-displeýlerde gerek bolan tehnologiýa ulanylýar. Şondan bäri JDI hünärmenleri tehnologiýany kämilleşdirmegi başardylar, bu bolsa displeýiň hilini ýokarlandyrmaga we göwrümini artdyrmaga mümkinçilik berdi.
Ekran giňelmesi – 1440x540 piksel, dykyzlygy – bir dýuýma 125 piksel. Displeý 4096 reňki şöhlelendirip bilýär.
Şöhlelendirmäniň bolmadyk ýagdaýynda panel 87% ýagtylygy goýberýär, bu bolsa şeýle displeýler üçin rekord bolup durýar. Täze tehnologiýa ulanylýan displeýiň tapgyrlaýyn goýberilişine 2020-nji ýylda başlamaklyk meýilleşdirilýär.
«Japan Display» ýakynda dury suwuk kristally displeýini görkezer
- 01.12.2019 23:57
- 2.7k+
