Konor Makgregor resmi taýdan dolandy. UFC-niň prezidenti Deýna Uaýt irlandiýaly türgeniň Donald Serrone garşy göreşi barada habar berdi. Göreş UFC 246-da 18-nji ýanwarda geçer. Iň esasy zat hem – ol ýarym orta agramda geçiriler.
Serrone barada bilmeli zatlaryň biri — ol hemme ýerde we hemmeler bilen göreşýär. Makgregor Habibden ýeňilenden bir aýdan soň, Donald Maýko Perriden bir raundyň dowamynda üstün çykdy, ýanwarda bolsa ol ýeňil agrama dolanyp geldi we Aleksander Ernandesi nokautirledi.
2015-nji ýylda, heniz ýarym ýeňil agramlykda Makgregor UFC-niň çempiony wagtynda, ol press-konferensiýada Serrone bilen bile sözi azaşypdy. Türgenler Konoryň ýarym orta agramlyga ýetip biljegi ýa bilmejegi barada maslahatlaşýardylar: irlandiýaly göreşiji bolsa iň TOP göreşijileri hem ýeňip biljekdigine ynanýardy, Donald bolsa, Konoryň bu ýerde asla işiniň ýokdugyny nygtaýardy.
Olaryň ikisi hem biri-birinden üstün çykjakdyklaryna söz berdiler. Olaryň ikisi hem dik ýagdaýda gowy uruşýarlar, ikisi hem utgaşykly stiller bilen işleşmegi başarýar. Ýöne Konorda fiziki güýç köpräk bolmagy ahmal, ýöne ýarym orta agrama geçmegiň näme bilen gutarjakdygy asla belli däl. Muňa garamazdan, Makgregor hakykatdan hem faworitligine galýar.
Serronä eýýäm bu göreşe garaşýar. Bu garaşylýan göreş 18-nji ýanwarda geçer.
Karýerasyndaky arakesmeden soň, Makgregoryň ilkinji göreşi Serrone bilen bolar
- 01.12.2019 10:47
- 8.4k+
