«Barselonanyň» ispaniýaly ýarymgoragçysy Pedri içerki futbolçylar assosiasiýasy tarapyndan Klubuň oýunçylarynyň baýragyna mynasyp boldy. Bu baýrak möwsümiň dowamynda topara wepalylygy we janköýerlere, garşydaşlara hem eminlere hormatly gatnaşygy görkezen futbolçylara berilýär.
Bu baýrak oýunçynyň oýun görkezijilerini däl-de, şahsy adamkärçilik häsiýetlerini görkezýär. Laureat saýlananda oýunçynyň yhlaslylygy, meýdançada özüni dogry alyp barşy we ýagdaýa seretmezden toparyň bähbidine hereket etmäge taýýarlygy göz öňünde tutulýar.
Häzirki wagtda «Barselonanyň» düzüminde Lamin Ýamal, Gawi hem-de kärendesine hökmünde häzirlikçe «Monakoda» oýnaýan Ansu Fati ýaly klub tarapyndan ýetişdirilen birnäçe zehinli oýunçylar bar. Olardan tapawutlylykda Pedri öz futbol başarnyklaryny «Las-Palmasda» ösdürdi we şondan soň «Barselona» geçdi. Kataloniýa göçenden soň, ol derrew Hawiniň ýaşlar taslamasynyň öňdebaryjy oýunçylarynyň biri boldy we toparyň esasy düzüminde öz ornuny tapdy. Täze tälimçi Hans-Diter Fligiň gelmegi bilen bolsa, futbolçynyň roly has-da güýçlendi.
