Nissan zawodlaryny döwrebaplaşdyrmak üçin 300 mln dollar maýa goýar

Nissan Toçigidäki kärhananyň täzeden enjamlaşdyrylyşyna we täze birikdirilen hem-de elektrikleşdirilen nusgalarynyň önümçiligine 301 million amerikan dollaryny maýa goýar.
Nissan kompaniýasy önümçiligi kämilleşdirmegiň täze tapgyryny durmuşa geçirmäge başlady. Ilki bilen ýaponiýalylar Toçigidäki kärhanany döwrebaplaşdyrarlar. Birikdirilen, elektrikleşdirilen we “intellektual” awtomobilleriň önümçiligi üçin zerur bolan täze tehnologiýalary girizmek işi kärhanada 2020-nji ýylyň ahyryna çenli tamamlanar. Geljekde olar dünýäniň ähli ýerindäki Nissan kärhanalarynda hem ulanylar.
“Bu innowasiýalar elektrikleşdirilen we intellektual awtomobilleriň täze neslini döretmäge kömek eder, bu bolsa Nissan Intelligent Mobility konsepsiýasyny amala aşyrýar hem-de önümçilik işlerini has ýiti, netijeli we durnukly edýär” – kompaniýanyň resmi press-relizinde aýdylýar.
Olaryň biri hem – “transmissiýany berkitmegiň uniwersal sistemasy”, ol güýçli enjamlaryň montažy ýaly, köp zähmeti talap edýän we dowamly prosesleri awtomatlaşdyrmaga mümkinçilik berýär. Barlag Merkezi we Nissan tarapyndan işlenilip düzülen täze sistema güýçli enjamlary eýýäm bir ýere jemlenen görnüşde oturtmaga mümkinçilik döredýär. Munuň üçin awtomatlaşdyrylan ýörite aşagyna goýulýan enjamlar peýdalanylýar. Montaž wagtynda sistema göwrümi we awtomobiliň motor böleginiň durýan ornuny ölçeýär we enjamlary millimetrine çenli dogry oturdýar.
Täze sistema ýeňil adaptirlenýär. Şol bir aşaga goýulýan enjam güýçli enjamlaryň üç görnüşiniň montažy üçin hem ulanylyp bilinýär, mundan başga-da 27 sany dürli güýçli gurluşlary ýygnap hem-de montaž edip bilýär.
Beýleki prosesleri awtomatlaşdyrmak hem meýilleşdirilýär. Aýratynam, germetigi kuzowa çalmak işini robot ýerine ýetirýär. Ussatlaryň işine gözegçilik etmek bilen Nissan inženerleri manipulýator üçin hereket programmasyny döretdiler. Potologyň ýüzüniň montažy hem sanlaşdyrylan.
Şeýle-de kuzowy bamper bilen bilelikde reňklemek prosesi hem girizildi. Öň bamper aýratyn reňklenilýärdi, çünki plastikany reňklemek prosesi pes temperaturada anyp barylýardy. Reňkiň suwuň esasynda ulanylmagy bolsa prosesi pes temperaturada alyp barmaga mümkinçilik berýär. Bu iş wagtynyň we elektrik energiýanyň sarp edilmegini hem-de kömürturşy gazlarynyň zyňyndylaryny azaldar. Mundan başga-da, täze reňkleme kamerasy işlenilen reňkleri beýleki ýerlerde hem ulanmak üçin ýygnaýar.