Alymlar gan damjasy boýunça rak keseliniň 13 görnüşiniň bardygyny kesgitlemegi öwrendiler

«Toshiba» korporasiýasy rak keselini anyklamagyň usulyny işläp düzdi, ol gany analiz etme boýunça bu keseliň barlygyny 99% anyk kesgitlemäge mümkinçilik berýär. Bu barada Trend TACC-a salgylanmak bilen habar berýär.
Anyklamagyň bu usulynyň esasynda aýratyn RNK molekulalarynyň görnüşlerini we düzümini ýüze çykarmak durýar. Analizi geçirmek üçin bary-ýogy bir damja gan we takmynan, iki sagat wagt gerek. Şeýle-de, ýaponiýalylar labaratoriýadan daşynda test geçirmek üçin hem amatly enjamy döretdiler.
Test rak keseliniň 13 görnüşiniň bardygyny kesgitlemäge mümkinçilik berýär. Ol hatda keseliň iň irki derejeleri üçin hem işleýär, diýip Toshiba-da bellenilýär. Ýapon barlagçylary gerek bolan barlaglaryň tapgyry tamamlanandan soň, keseli anyklamagyň täze usuly hemme ýerde ulanylar diýip umyt edýärler.
Ýaponiýada onkokesellileriň sanynyň artmagy esasynda soňky ýyllarda bu kesele garşy göreşmegiň täze usullary işjeň öwrenilýär. Ilkinji nobatda, olar irki derejedäki keselleri ýüze çykarmaga mümkinçilik berýän, keseli anyklaýjy usullary kämilleşdirmeklige gönükdirilendir. Munuň üçin ýuwaş-ýuwaşdan emeli aňy has giň ulanmaga başlaýarlar.