Internet ulanyjylaryň ýörgünli portaly «TMCARS» ilkinji gezek «Türkmentel — 2019» atly XII halkara sergisine gatnaşýar.
«TMCARS» — ýurdumyzyň belli awtomobil portaly eýýäm birnäçe ýyldan bäri ulanyjylaryň isleglerini nazara alyp, internet söwdasy, mahabat boýunça hyzmatlary elýeterli edip gelýär.
«TMCARS» – mahabatyň täze usuly. Bu portal telekeçilik işiňizi öňe ilerletjek mahabatyň ýerleşdirilmegi üçin oňat mümkinçilikdir.
Ýurdumyzda resmi taýdan bellige alnan «TMCARS» portaly okyjylarynyň isleglerini kanagatlandyrmak maksady bilen, ýakynda «Habarlar» bölümini hem işe girizdi. «Habarlar» bölüminde ýurdumyzyň hem-de dünýäniň möhüm täzelikleri bilen bir hatarda — Syýahatçylyk; Moda we stil; Sport; Hi-tech; Awto; Biznes; Hadysalar; Saglyk; Nebit we gaz; Peýdaly maglumat — ýaly ugurlar boýunça hem täzelikleri okap bilýärler.
«Hem täze, hem tiz» şygar bilen hereket edýän «TMCARS – Habarlar» bölüminde islendik okyjy özüni gyzyklandyryp biljek makalalardyr täzelikleri tapyp biler.
Belläp geçsek, 27-28-nji noýabrda Aşgabatda geçirilýän telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel — 2019» atly ХII halkara sergisine hem-de onuň çäklerinde ylmy maslahata ýerli we daşary ýurtlaryň 90-dan gowrak kompaniýalary gatnaşýar.
TMCARS ilkinji gezek «Türkmentel – 2019» halkara sergisine gatnaşýar
- 27.11.2019 19:10
- 8.1k+
