Alymlar sazyň bütin adamzadyň uniwersal dilidigini subut etdiler

Garward uniwersitetiniň barlagçylary şeýle netijä geldiler, wagtyna we olary ýöredijileriň ýaşaýan ýerine garaşsyzlykda saz dürli medeniýetleriň uniwersal dili hasaplanylýar.
Alymlar medeniýetleriň 315-si baradaky maglumatlary seljerdiler. Sazy ýa-da aýdymy şöhlelendirýän sözler ýa-da düşünjeler olaryň ählisinde hem hereket edýärdi, bu bolsa jemgyýetçilik ösüşi üçin sazyň ähmiýetiniň bardygyny tassyklaýar.
Ondan soň alymlar medeniýetleriň her birinde bar bolan däp-dessur, hüwdi we beýleki saz kompozisiýalaryny derňediler. Analiz seslenmäniň fiziki parametrleri boýunça we kompozision gurluşyň aýratynlygy boýunça geçirildi. Mundan başga-da, döwrebap professional sazandalaryň we diňleýjileriň subýektiw bahasy nazara alyndy.
Alnan maglumatlary birnäçe toparlar boýunça bölüşdirdiler, olardan iň ähmiýetli üç sany parametr, diňleýjide emosiýa oýarmaklyga ukyplylyk, däp-dessur ähmiýeti we formal derejesi boldy. Ondan soň alymlar dürli toparlardan saz kompozisiýalaryny özaralarynda we medeniýetleriň arasynda deňeşdirdiler.
Her bir medeniýetiň içindäki aýdym toparlarynyň arasyndaky tapawut dürli medeniýetleriň birmeňzeş toparlarynyň arasyndaka garanda has ýokarydy. Mundan barlag geçirijiler şeýle netijä geldiler, saz medeniýete garaşsyzlykda psihologiki dolulygy bilen uniwersaldyr.
Barlag baradaky hasabat Science žurnalynda neşir edildi.