Bostonyň alymlary orta ýaşdaky adamlarda metabolistik alamatlaryň beýniniň wagtyndan öň garramagyna getirmäge ukyplydygyny anyklamagy başardylar, MedicalXpress ýazýar.
Metabolistik alamatlar semizligiň, gipertoniýanyň ýa-da şekeriň derejesiniň ýokarlanmagy netijesinde ösýär. Barlaga 35-55 ýaş ululykdaky 2,1 müň erkek we aýal gatnaşdy. Özleriniň barlagynda alymlar magnit-rezonans tomografiýasynyň netijesini derňediler. Barlaga gatnaşyjylara logiki meseleleri çözmeklik hem tabşyryldy.
Barlagyň dowamynda metabolistik alamatly adamlarda beýniniň göwrüminiň sagdyn adamlara garanda kiçidigi anyklanyldy. Şonuň netijesinde alymlar şeýle netijä geldiler, metabolistik alamatlar diabetiň, demensiýanyň we Alsgeýmer keseliniň sebäpkäridir.
Metabolistik alamatlaryň ösmek howpuny peseltmek üçin lukmanlar balykdan, ir-iýmişlerden, gök önümlerden we galla önümlerinden berhiz tutmagy maslahat berýärler.
Alymlar beýniniň wagtyndan öň garramagynyň sebäbini ýüze çykardylar
- 27.11.2019 05:52
- 6.3k+
